| saudi's profileRemal ....................PhotosBlogLists |  Tools  Help |
|
August 10 me*كثير يمر علينا ناس مميزين بحياتنا
احيانا يعنون لنا شيء وهم ولا شي بواقعنا و احيانا لا يرتبطون بواقعنا بشي .. وهم كل شي
و احيانا يعنون اكثر من الي نتخيله و هم مجرد يوزرتشات
هذي قصتي مع اختي
me*
ارجع و اقول هي اخت ما جابتها أمي
لكن حست معي بكل ألم عشته و وقفت معي بوقت ما كنت اقدر ابوح بكلمه لأحد
اعرفها كـ يوزر مي ام شباصة .. او جود
عرفت تختار يوزرها لأنها صدق الجود كله .. كريمه بطباعها معطاءة بمشاعرها احتوائية لكل انسان يطلب عونها
خلوقة طيبة برغم كل ظروفها
علاقتي معها من 2001 عرفتها من شات الاقلاع و كانت المترجم الفوري للهجة الشقراويه وقتها ( وقت ما كنت بالجنسية المصريه ) خخخخ
برايفت جوجو .. تذكرين يوم انشب لك بالخاص وش معنى( سحية ) الله يفشل العدو الناس تكتب سوالف حب بالخاص و انا اسأل عن بجايم خخخخ
لو ما يجي من النت كله الا اني عرفت هالانسانه كان يكفي
قولي آمين اخيتي
عسى يرجع عندي نت بالبيت و نرجع هذرة و سوالف مسنجر مثل أول
نسولف عن حنان و جود مب عن شسمه
الله يفرج همك و يسعدك قلبك و ييسر لك كل امورك و تخلصين ماسترك
يارب تحفظ اخيتي و تشرح صدرها وترزقها من يحبها ويتزوجها و يخلص لها
جود .. اتوقع تمرين على السبيس قبل الايميل
ترى كل شهر 7 و انا شايله هم شسمه
طمنيني عليك
June 02 يوم اشرقت شمسكاحلا شي في الدنيا لما تمسك معك فكرة تبي تنفذها
:)
لي فتره ابي صوره اعلقها بغرفتي
فريت ايكيا و غيرها ادور صوره رايقه منتعشه اعلقها
ليه المصورين ان صورو طبيعه قلبوها ابيض واسود والا اصفر واسود !!
الرسامين .. الوانهم عجيبه .. او مقاسها عينات
.. مليت لي سنه ادور
مسكت معي خلاص
بشخبط اي شي و اعلقه اهم شي احط الألوان الي ابيها
اول شي مريت ايكيا شريت لي اطار بالحجم الي ابيه
بعدين فكرت .. وش ممكن ارسم خخخخخخخخخخخ
>> تفكير منظم جدا
فريت صور جهازي لقيت الورد بيعطيني حريه بالشخبطه ... و بديت بسم الله
هذي اول صوره صورتها لرسمتي .. نسيت فكرة التصوير قبل
مبين العده في الصوره ...
اللاب توب للغش من صور الورد ,
مخدة مناديلي ... هذي علبه مناديل +مخده + مركى كلو في واحد
 كتاب عن النباتات الداخلية , صحيفه 70×100
و الوان شمعية و مساحه باستيل و قلم رصاص
لما تلقى ورده شكلها جميل
لكن ما تعرف شكل اوراقها ..هنا شغل مخك .. و ألف .
الورده البيضا والبرتقاليه تكملتهم من راسي تأليف
 .. اما الي على اليمين اسمها سيكلامين
.. نبته داخليه اوراقها على شكل قلوب تخقق
قلبت روسكم بزاويه الصوره صح؟
خخخخخخخخ
عادي الرسمه لرف مايل قدام دريشه .. لفو بروسكم اذا ما فهمتوها
هنا يبين ان العمل ارتجالي
.. المرحله الي قبل كنت راسمه صباره .. مسحتها و رسمت صحن اصفر كبير
قدر الله على الصحن انه يتحول الى حوض زرع !!
برضو قرار ارتجالي جديد
 تعرفون هالنبته .. الهيدرانجيا ..
اتمنى تنبت بجونا
.. والا تدرون بحطها بكوشتي ان شاء الله
 احبهااحمر والا ازرق .. اخلي الهيدرانجيا .. قررت الونها بالاثنين
دبلوماسيه جدا كيف ترسمون مطر على قزازه ؟ ما عرفت .. طقاق و يالله صارت كنها برد
استسلمت من ناحيه رسم المطر و اشرقت شمسي في الرسمه خخخخخخخخخخ
هييييييييييييييييييه خلصت .
. وهذا اللوكيشن حق اللوحه بس الي معه دريل يسلفني
عشان اعلقها بدل ما هي محطوطه على المكيف
شرايكم بطابور الصباح الي قدامها
احبهم السؤال هنا .. وين راح القرافيك ديزاين
 January 07 غداًيقول قاف العراق *
غداً يهدأ الشوق بين الضلوع
* من موقع منتديات أسواق المربد December 28 ايامبقي على السنه الجديده يومين
وعلى يوم ميلادي ميلادي
شي و عشرين يوم و يوم ميلادي هجري شهرين و كم يوم
ايا كانت الارقام لازم ابدا هالسنه صح
اول هدف اني احب حنان و اتصالح معها و اخطط معها مو اعارضها او احبطها
لي كم سنه اعيش هدوء موضعي .. جربت ابدل كل شي .. من شغل .. لترتيبه غرفتي .. اسلوب حياتي .. تفكيري و ردود فعلي ..مشاعري..
لكني مااحرزت الي ابيه خصوصا بعد ماعاكسني الموج في مرات كثيره
what ever
بعد تفكير ماصل لسنين .. و بسرعه الموج الي غمرني .. وصلت من كم يوم الى اني ممكن احب نفسي لنفسي و اساند نفسي بنفسي ما احتاج لأحد او مادة او اسم رنان او غيرهم مثل ما كنت اظن اول
احتاج شويه ثقه بنفسي .. تهميش للواقع و الآلام الي فيه او تصحيح الحجم الي اشوفهم فيه ..و المجتمع السلبي الي يعاكس طموحاتي
.. و الاهم هو الدعاء ..والتوكل على الله
اهدافي راح تكون بهالشكل محسوسه .. بالرضا برضا ربي عني و توفيقه لي ..و هذي اصعب مهمه يارب تقويني * محسوسه .. بشغل يعبر عن من انا .. سواء بدوامي الغبي اذا ما قدرت اغيره أو استغلال كل شي تعلمته * محسوسه .. بعلاقتي مع اهلي و التعايش معهم بايجابيه * محسوسه .. بكل حواسي و مشاعري *
منيب قويه و ما ضنيت راح اكون اقوى مني الحين
لكن بتقوى من الألم الي بذكره من كل لحظه فشل في السنين الماضية
nothing personal .
its just i didn't accomplish a thing this decade ,and i'm not special to any one yet.
why don't i be special to my self
 special to my self DOSE NOT mean selfish
دعواتكم لي .. بعد ما وقفت بنص الجبل اني ما التفت لورى بدون اضعف او ما ادق رقبتي وانا اطالع اعلى الجبل
April 03 عبرمن صغري و انا عندي مشكله في التعبير الصح عن مشاعري
خصوصا للي احبهم
و يا كثر ما طيحني بمشاكل مع اخواتي وصديقاتي و حبايبي
كنت يا مندفعه مره دمعتي والمه ... او اسكت في موقف فرح واذا جيت اعبر خربت الجو كله بتعليق
(( خارج النص ))
يمكن يقلب مود الموجودين
مع كثر تجاربي الفاشله في مراهقتي تعودت اني اسكت و ابتسم ببرود
و أخلي مشاعري خارج دائرة التعبير
و اكتفي بالي ينكتب على وجهي و يقراه الأعمى فيه
(( وجهي مرايه لقلبي للأسف ))
تقريبا كل الي احبهم تعاملي معهم صاير حذر عشان ما أخسرهم ..
كنسلت العفويه من حياتي قدر ما اقدر
و سكرت قلبي عنهم (( بوابه جهنم )) هذي افضل تسميه له
مؤخرا .. حاولت افتحه ... و ياليتني ما حاولت
الله يعين
أغبط الناس الي اكرههم ... هم اكثر ناس ماخذين حقهم وافي لأني ما افتح لهم قلبي .. بنفس الوقت مابي اغلط عليهم بدون حق
مؤخرا لقيت انهم اكثر ناس مبسوطين بالتعامل معي .. مع اني اكرههم
ليتني أكره كل الناس
ليتني أكرهك
 February 08 180ْعلى الرغم من محبتي للإشراف على الرغم من تعلقي بهالمكان الا اني لا افضل الذبول هناك و بالتالي هلاك عشقي منتدى التصميم معي .. نتخلى دائما عما نحب .. لأجل من نحب ((و عسى ان تكرهوا شيئا و هو خير لكم ))
من اهم بنظركم .. مشاعرنا أم واجباتنا ؟ و من يسبق الآخر
* لا يزال الباص .. مستمر بالمسير .. طالما جود تسكن بقلبي لكم كل المحبه
January 09 كل عام وانتم بخير هالخروف المتبوهر كان اول تجربه لي بالفلاش ..
بعدها نسيت كل شي يخص البرنامج .. و كأني تفرمت
 بعد ثلاث سنوات من أول و اخر تجربه لي في البرنامج
قررت اعيدها ثانيه
اكسكلوسف هنا .. ما بعد نزلته في المنتدى
* في محاوله لتطوير الذات .. و الروح November 09 تخبط !! سؤال يحيرني ...من الذي يسيطرعلى الآخر
هل نحن نتحكم بقدرنا ان نتبعه
الحقيقه الواضحه للعيان
(( ان الانسان مخير و مسير))
بإمكان اي منا ان يختار اتجاه مصيره ..
بإمكانك ان تكون جاد مثابر في سعيك في تطوير مستقبلك
.. او بإمكانك انك تكبر الوساده و تنوم .. والا من قمت نشبت بأهلك عطوني مصروف
 هالكلام كلنا نعرفه و مار علينا .. و يا كثر ما قالو لنا حكم عليه
السؤال الحين ..
لما الواحد يطق اكثر من باب لمستقبله ..
و كل باب يجيه من وراه صوت ضعيف (( كجواب)) وش يصلح؟
صراحه انا عايشه مرحله تخبط معتبره ...
قدامي الحين اكثر من 3 ابواب ..
و كل واحد الصوت الي واصلني منه اضعف من الثاني
لازم ادخل مع هالابواب عشان اعرف ايها بيناسبني
و محاوله الدخول لكل هالابواب مخيفه
لا غنى لي عن الاستخاره.. الحمد لله الي رزقنا اياها
يا ترى .. كيف احسم الأمر في مستقبلي بدون تكرار الاخطاء السابقه
؟
؟
مابقي في العمر كثر الي راح
 ملاحظه ..
(اضفت مجلدصور جديد (خربشاتي
مع الطفش قمت انظف جهازي خخخخ
October 04 من القلب للقلب .. و إن اطبقت شفتايمن القلب.. لكل من غاب عني
مع بسمه فرح .. و دمعه حزن على غيابكم
رغم انني قد اصل اليكم.. لكن قد تكون متأخره و بدون طعم
و البعض .. لا مجال لذلك
لكل من غاب عن عيني لكن لازال قلبي يحيا بحبه
لكم انتم
 توفي .. و العصافير بشو .. هومي .. ننوجوجوالشهر عليكم مبارك
اعاننا الله و اياكم على حفظه و ذكره و حسن عبادته
*
*
*
*
هل لي بعزاء بغيابهم !
يارب تردهم لي جميع و تطمني عليهم يارب
August 22 كلاكيت لأول مرههل تكمل الهوايات بعضها ؟؟
أم تعقب احداها الأخرى ؟؟
التصميم عشقي الأول
وجدت روحي فيه و نفثت فيه كل ألمي ... لا تتعجبو ان رأيتم كل تصاميمي ألم
هناك ُأُودع آلامي
و حاليا تحول لنمط حياة لي ... كل شي صرت افسره كألوان و خطوط حتى بسمتك ما هي إلا خط مائل بين نقطتين ... لا عجب ان وجدنا انفسنا نرتاح للبسمه فالميلان يطيل الخط .. يمد الأمل
امضيت شهر حاليا في تدريس الفوتوشوب ثلاث ساعات يوميا ..
حققت أمنيه من زمان اتمناها ... الحمد لله
اليوم قررت اسوي نقله نوعيه نزلت مشاركه تصوير http://www.eqla3.com/vb/showthread.php?t=178300
لكن يحيرني السؤال ... هل تكمل الهوايات بعضها أم تمحو بعضها؟؟
يارب ما تمحي بعض
** July 24 والناس فيما يعشقون مذاهبو ^
حبيب القلب الباص حقي خخخخخخ
اليوم جايتني لوثه براسي و على قوله الأولين ( براسه وشره )خخخ
قررت احدد من احب في حياتي
الأول
هديه كل الغلا جوجو لما طلبت منها صوره سياره ابستخدمها في تصميم عطتني هذا
ما تتخيلون شكثر يعني لي هالباص خخخخخخ شكلي حبيته اكثر من جوجو نفسها
 الثاني
حبيبة قلبي الزكمه
بما أني كل شهرين بالكثير لازم يا انفلونزا يا برد يا بحه بحلقي
قررت اني احبها
 هي الوحيده الي ما خانتني ولا قطعت فيني
فيها الخير والله
* * * * * *
فيه اشياء مجنونه نحبها في حياتنا
تعني لنا الكثير رغم بساطتها
لما كنت صغيره ( قبل لا ادخل المدرسة ) كان عندي لعبه على شكل فاره حمرا
 كانت تسوى عندي كل ألعاب الدنيا مع انها منتفه و مشخبط عليها الين بكرى ومرتين رموها اهلي في الزباله و أرجع اجيبها ...
المرة الثالثة ما دريت عنها لما رموها الا بعد ما راحت خلاص :(
الله يسامح الي رمتها بس :( قطعت قلبي عليها صيحت الين قلت بس
صراحه مافيها من الملح شي بس القلب و ما يهوى
و فيه اشياء مؤذيه لكن ألفناها و صارت جزء مننا
يا ترى في حياتكم اشياء مثلي ...
خبروني عنها
 July 14 موقع خيالياخيرا لقيت موقع يعطيك الزبده في التعاملات الحكومية
بدل مواقع الانجازات والمصممه عام الف و اربعميه و خشبه
 .. والي ينتهي بك الأمر معها للف على الدوائر الحكوميه
ما تعرف وش مطلوب منك
هالموقع اختصر لي كثير ووضح لي أكثر بعد
 من جد الله يجزى صاحب الموقع كل خير
الي يعرف موقع مثل هذا ينزل اسمه هنا :)
June 26 اعلام واعد السلام عليكم ورحمة الله، يسر مجتمع رحلة حياة دعوتكم للحصول على أول نسخة من مجلة أدب البكسل المتخصصه في الفنون الرقمية والفوتوغرافية، وذلك بتسجيل معلوماتكم الشخصية بالإضافة الى عنوان صندوق البريد الذي تودون عن طريقه إستلام نسختكم المجانية من المجلة. تهدف المجلة إلى بناء مجتمع معلوماتي تفاعلي يخدم المهتمين بالفنون الرقميَّة والفوتوغرافيَّة بكافة فروعها، بالإضافة العمل كوسيط لتمرير الخبرات والمعارف – معرض، دروس تعليمية، مقالات، مقابلات، مراجعات، أسئلة وأجوبة - و تسليط الأضواء على أعمال الفنانين المتخصصين والأحداث المهمة والمناسبات والمنتجات المؤثرة في صناعة الفنون الرقميةَّ والفوتوغرافية. و تهدف هذه الحملة الى جمع أكبر عدد ممكن من العناوين البريدية للمهتمين بهذا المجال، سواءً كانوا محترفين أو هواةً أو مبتدئين. هذا العدد لن يباع في الأسواق، وسيرسل إليكم مجاناً و بدون أية رسوم، والطريقة الوحيدة للحصول عليه هي عبر هذه الصفحة. قم بتعبئة النموذج وكن أول من يحصل على نسخة من العدد التجريبي للمجلة فور صدوره في خريف 2005.  شباب طموح .. هادف  انبسطت لما شفت فكرة المجله .. عقبال ما نشوف شغل يشرف فيها اتمنى تكون بمستوى ويب ديزاينر و كمبيوتر آرت دعواتي لكم بالتوفيق June 20 ck oneأول عطر كان خاص فيني ... و احب عطر لي اتذكر كان عطري بأول جامعه ... يعني قبل 8 سنوات
بعد سنين من انقطاعه من الأسواق حصلته من جديد
The perfect unisex fragrance for him or her لحد ينط لي و يقول رجالي
* * * * * * * * * * * * * * * هالعطر ارتبط بذهني ببدايه الجامعه .. يعني عالم جديد و اتجاهات جديده و تحديات جديده .. وهذي اهم شي وهذا الي يميز العطر .. ريحته شوي صارخه و مميزه لكن اكثر شي يميز ريحته انها * * * * * * * * فيه عطور ترتبط بذهني بأحداث معينه مثل صابون لوكس السائل ... يذكرني بالمستشفى .. كنت استخدمه هناك و كل ما شميته .. ذكرت ذيك الأيام .. و عشان كذا رغم ان عطره حلو الا اني مستحيل اشتريه .. * * * * * * * * ...برأيكم ... وش الي يخليكم اكثر شي تختارون العطر
June 05 :)" Shame never create Change "
و بالمثل النقد الغير بناء يوصلنا لنفس النتيجة في التحطيم
عشان كذا ليه ما نخلي نظرتنا لكل الأمور اكثر ايجابيه الاختبارات .. تطور الشخص و تحسن فهمه ما حطوها عشان يقيمون دراسته << تعزي نفسها بالاختبارات يمكن اعدي اختباري هالمرة دعواتكم اني اعدي هالاختبار الغثيث على خير 70-290 جد عذبني :(
May 15 بدايةالسلام عليكم يسعد لي مساء من مر هنا
اعتقد أن هذه أول مره سأستخدم المساحة للكتابه ... و قد تكون آخر مره أيضاً
أؤثر ان تقرأو التصاميم بدلا من حروفي لهذا
يسود الصمت
رمالِ |
فـ هل هذا ممكن ؟.. لا آظن 
شريييييييييييييييييييته اخيرا 
صابوووووون
|
|
